ಕೈಮೀರಿ ಬೆಳೆಯುತ್ತವೆ
ಶಬ್ಧಗಳು ಕೈಗೆ ಸಿಗದಂತೆ
ತಪ್ಪಿಸಿಕೊಂಡು ಒಮ್ಮೆಲೇ
ಧುತ್ತನೆ ಪ್ರತ್ಯಕ್ಷವಾಗಿ ಅಣಕಿಸುತ್ತವೆ.
ಒಮ್ಮೊಮ್ಮೆ, ಅವು
ವಿಪರೀತ ಅನರ್ಥಗಳನ್ನು ಕೊಟ್ಟು ಕಾಡುತ್ತವೆ
ಇನ್ನು ಕೆಲವೊಮ್ಮೆ, ಅರ್ಥವನ್ನೇ ಅಡಗಿಸಿಟ್ಟು
ಉಸಿರುಕಟ್ಟಿಸುತ್ತವೆ
ಒಂದೊಂದೇ ಅಕ್ಷರಗಳು
ಸಾಲುಹಚ್ಚಿ
ಬೆರಳುಗಳಮೇಲೆ ನಿಂತು
ಕಾಯತೊಡಗುತ್ತವೆ
ಜೀವಾವದಿ ಶಿಕ್ಷೆಯಿಂದ ಇನ್ನೇನು ಹೊರಬೀಳುತ್ತಿರುವ ಖೈದಿಯಂತೆ ಚಡಪಡಿಸುತ್ತವೆ
ಯಾರಬಗ್ಗೆಯೋ ಏನೊ!
ನನ್ನ ಕವಿತೆ ನಿಮ್ಮ ಕಣ್ಣಿಗೆ ಕಾಣುವುದಿಲ್ಲ,
ಅವನ್ನು ನನ್ನ ಕಣ್ಣಿನಿಂದ ಓದಿದ ದಿನ ನಿಮಗೆ ದೃಷ್ಟಿ ಬರುತ್ತದೆ.
